खोटाङका सबै शैक्षिक संस्थाहरुमा पठन–पाठन बन्द

सविना अछामे–
खोटाङ, बैशाख १६–जिल्लाका सबै शैक्षिक संस्थाहरुले पठन–पाठन बन्द गरेका छन् । कोभिड–१९को जोखिम बढेपछि सबै पालिकाको शैक्षिक संस्थाहरुले पठन–पाठन बन्द गरेका हुन् ।
शिक्षा विकास तथा समन्वय इकाई प्रमुख सेमन्त गौतमका अनुसार शैक्षिक संस्थाहरुमा पठन–पाठन बन्द गरेको हो । गौतमका अनुसार केही पालिकाहरुले नेपाल सरकारको निर्देशन अनुसार यसअघि नै बन्द गरिसकेको थियो । जिल्ला प्रशासन र शिक्षा विकास समन्वय समिति इकाइले पनि बैशाख १५ गते पत्राचार गरेर पठन–पाठन बन्द गर्न आग्रह गरेको गौतमले सुनाए ।