विद्यालय व्यवस्थापन समिति अध्यक्षमा विरबल

नमस्ते खोटाङ संवाददाता–
खोटाङ, माघ २७–जन्तेढुङ्गा गाउ“पालिका वडा नं ६ दिप्लुङस्थित पृथ्वी आधारभूत विद्यालय व्यवस्थापन समितिको अध्यक्षमा विरबल किराती सर्वसम्मतले निर्वाचित भएका छन् । माघ २६ गते सम्पन्न अभिभावक भेलाले किरातीको नेतृत्वमा नौ सदस्यीय विद्यालय व्यवस्थापन समिति गठन भएको हो । सदस्यहरुमा फूलमाया राई, कोशिला विश्वकर्मा, विमला राई, सुकदेव राई, किशोर राई, हस्तबहादुर राई, शिक्षक प्रतिनिधि सइनध्वज राई र सदस्य सचिव कविराज राई सर्वसम्मत निर्वाचित भएको नव निर्वाचित अध्यक्ष किरातीले बताए । त्यस्तै भीमबहादुर नेपालीको अध्यक्षतामा नौ सदस्यीय शिक्षक अभिभावक संघ समेत गठन भएको किरातीले सुनाए ।