अज्ञात समूहद्वारा चार एक्साभेटरमा आगजानी

नमस्ते खोटाङ संवाददाता
खोटाङ, मङ्सिर १५–अज्ञात समूहद्वारा चार वटा एक्साभेटरमा आगजानी भएको छ । मध्यपहाडी लोकमार्ग अन्तरगत चखेवा–दिक्तेल सडक खण्डमा शनिबार राती (गएराती) चार वटा एक्साभेटर आगजनी भएको हो । उक्त सडक अन्तरगत चखेवा–दिक्तेल सडक खण्ड कालोपत्रेका काम गरिरहेको गोल्डेन गुड जेबी कन्ट्रक्सनको स्काभेटरमा आगजनी भएको उक्त निर्माण कम्पनी सम्बद्ध साङगे सेर्पाले बताए ।
दिक्तेल रुपाकोट मझुवागढी नगरपालिका–८ दोर्पाचिउरीडाडा“को लप्सेखोला र पंखुखोलाबीचमा राखिएका तीन वटा र चखेवाभन्ज्याङबाट दुई किलोमिटर भोजपुरतर्फ राखिएको एक वटा स्काभेटर जलाई दिएको सेर्पाले सुनाए । राती करिब १२–१ बजेतिर अज्ञात समूहले जलाएको प्रोजेक्ट म्यानेजर हिमाल पौडेलले बताए । उनका अनुसार पेट्रोल हालेर एक्साभेटर जलाएकाले पूर्ण रुपमा नष्ट भएको छ । त्यसमा संलग्नको खोजी सुरु गरिएको खोटाङका डिएसपी बामदेव गौतमले बताए ।