छैटौ केएफए सुचन स्मृति दिक्तेल मेयर कप फुटबल प्रतियोगिताको उपाधि बाक्सिला फुटबल क्लवलाई (भिडिओ सहित)

नमस्ते खोटाङ संवाददाता–
खोटाङ, जेठ १०–छैटौ केएफए सुचन स्मृति दिक्तेल मेयर कप फुटबल प्रतियोगिताको उपाधि बाक्सिला फुटबल क्लवले चुमेको छ । जेठ १० गते दिक्तेल रङ्गशालामा सम्पन्न खेलमा नुनथला स्पोर्टस् क्वललाई ६–० ले पराजित गर्दै बाक्सिला फुटबल क्लवले उपाधि चुमेको हो ।
प्रतियोगिताको विजेता टिमले दुई लाख नगद, ट्रफी, मेडल र प्रमाणपत्र पाएको छ । उपविजेता नुनथला स्पोर्टस् क्लवले एक लाख नगद सहित ट्रफी, मेडल र प्रमाणपत्र हात पारेको छ ।
खेलमा विभिन्न खेलाडीहरूले विधागत पुरस्कार पाएका छन् । आयोजक खोटाङ फुटबल एकेडेमीका अध्यक्ष नुरकाजी सैंजूका अनुसार उत्कृष्ट खेलाडीमा बाक्सिला फुटबल क्लवका पदम भट्टराई छानिएका छन् । उनले सात हजार नगद, ट्रफी, मेडल र प्रमाणपत्र पाएका छन् । उत्कृष्ट गोल किपरमा बाक्सिलाकै विवश चौधरी, उष्कृष्ट प्रशिक्षक बाक्सिलाकै सनम राई जोजो, उच्च गोलकर्ता बाक्सिलाकै सुजन माझी घोषित भएका छन् । उनीहरूले जनही चार हजार रूपैयाँका दरले नगद, ट्रफी, मेडल र प्रमाणपत्र पाएका छन् । त्यस्तै उदीयमान खेलाडीमा खोटाङ फुटबल एकेडेमीका प्रतिक खड्का छानिएका छन् । उनले दुई हजार नगद सहित, ट्रफी र प्रमाणपत्र पाएका छन् । मेनअफदी म्याच वापत बाक्सिलाका सुजन माझी नै घोषित भएका छन् । उनले एक हजार नगद सहित ट्रफी, मेडल र प्रमाणपत्र पाएका छन् ।
खेलको समापनमा माझी सहित दिक्तेलका रोहण परियार, पास्कल बस्नेत, एकराज बुढाथोकी, योगेश बुवई राईलाई फुटबल खेलमा विशेष योगदान पु¥याएको भन्दै सम्मान गरिएको छ । जेठ ७ गते सुरु खेलमा एक अफिसियल सहित ८ टिम सहभागी थिए ।