झाडा–पखालाले खोटाङ याम्खाका बालकको मृत्यु

नमस्ते खोटाङ संवाददाता–
खोटाङ, भदौ २–झाडापखालाले दिप्रुङ चुइचुम्मा गाउँपालिका–१ याम्खाका ४ वर्षीय दिप्सन भुजेलको मृत्यु भएको छ । जिल्ला अस्पताल दिक्तेलमा उपचारको क्रममा भदौ २ गते दिउसो साढे ४ बजे मृत्यु भएको हो ।
जिल्ला अस्पतालका प्रमुख डा. रूपेश संग्रौलाका अनुसार करिब तीन बजेतिर ल्याइएको थियो । अस्पताल ल्याउदा झाडापखालाले सिकिस्त अवस्थामा रहेको डा. संग्रौलाले बताए । ‘अस्पताल ल्याउदा ढुकढुकी गइसकेको थियो, आँखाको पानी पनि फुलिसकेको थियो,’ डा. संग्रौलाले भने–‘अनेक विधि अपनाएर उपचार गर्दा पनि बचाउन सकिएन ।’
बच्चालाई केही दिनदेखि नै झाडापाखाला लागेको संग्रौलाले बताए । याम्खामा अन्य पनि झाडापखालाको विरामी भएको संग्रौला सुनाए । तर कति विरामी छन् भन्ने चाहिँ आधिकारिक जानकारी नआएको संग्रौलाले बताए ।