खोटाङको लामीडाडाँमा पहिरोले पुरिएर शिक्षिकाको मृत्यु

नमस्ते खोटाङ संवाददाता–
खोटाङ, साउन ३१–रावाबेसी गाउँपालिकामा विद्यालय जादै गरेकी एक शिक्षिकाको पहिरोले पुरिएर साउन ३१ गते बिहान मृत्यु भएको छ । रावाबेसी गाउँपालिका–३ लामीडाडाँस्थित विश्वज्योति मावि जादै गरेकी ५७ वर्षीया साबित्रादेवी नेवारको बिहान पौने दश बजे पहिरोले पुरिएर मृत्यु भएको हो ।
विद्यालय गइरहेकोबेला बाटोदेखि करिब ३०–३५ मिटरमाथिबाट खसेको पहिरोले पुरिएर घटनास्थलमै मृत्यु भएको जिल्ला प्रहरी कार्यालय खोटाङका प्रहरी नायव उपरीक्षक पुरुषोत्तम खड्काले बताए । शवको पोष्टमार्टमका लागि दिक्तेल ल्याइदै छ ।