बृद्धको डुबेर मृत्यु

नमस्ते खोटाङ संवाददाता-
खोटाङ, माघ १४– एक बृद्धको डुबेर मृत्यु भएको छ । ऐसेलुखर्क गाउ“पालिका–३ का ७५ वर्षीय नरबहादुर राईको स्थानीय लिदिङ खोला लघु जलविद्युत आयोजनाको पावर हाउसको ट्याङ्कीमा डुबेर मृत्यु भएको हो ।
प्रहरीका अनुसार ट्याङ्कीमाथिको बाटो हिड्ने क्रममा आइतबार साझ ट्याङ्कीमा लडेर झरेका हुन् । उनको शव पोष्टमार्टमका लागि दिक्तेल अस्पतालमा ल्याइएको प्रहरी नायव उपरीक्षक राजकुमार केसीले बताए ।