बाक्सिलामा आगलागी हुँदा एक घर नष्ट

नमस्ते खोटाङ संवाददाता–
खोटाङ, मङ्सिर ४–केपिलासगढी गाउँपालिकाको बाक्सिालामा मङ्सिर ३ गते मध्य राती आगलागी भएको छ । राती पौने १२ बजेतिर आगलागी हुदा मन्सा राईको घर जलेर नष्ट भएको छ ।
विद्युतबाट आगलागी भएको हुन सक्ने अनुमान गरिएको बाक्सिलास्थित इलाका प्रहरी चौकीका सइ मोहन प्रधानले बताए । क्षति विवरण आइनसकेको प्रधानले सुनाए । आगलागीको बेला भागदौडमा १५ वर्षीया सरिता तामाङ घाइते भएकी छन् । बाक्सिला बजारमा गत वर्ष पनि भीषण आगलागी भएको थियो ।