प्रधानमन्त्री र प्रमुख प्रतिपक्षी दलका नेता बीच भेट

नमस्ते खोटाङ संवाददाता–
काठमाडौँ कात्तिक ११-प्रधानमन्त्री पुष्पकमल दाहाल र प्रमुख प्रतिपक्षी दल नेकपा (एमाले)का अध्यक्ष केपी शर्मा ओली बीच कात्तिक १० गते भेटवार्ता भएको छ । प्रधानमन्त्री दाहालको सचिवालयका अनुसार प्रधानमन्त्री दाहाललाई भेट्न एमाले अध्यक्ष ओली कात्तिक १० गते दिउँसो २ बजे सिंहदरबार पुगेका थिए । भेटमा समसामयिक राजनीतिक विषयमा छलफल भएको प्रधानमन्त्रीको सचिवालयले जनाएको छ । सत्तापक्ष कांग्रेस भित्रको आन्तरिक किचलो भइरहेको यो भेटघाट बेला अर्थपूर्ण रुपमा हेरिएको छ ।

तस्बिर सौजन्य : प्रधानमन्त्रीको सचिवालय