अन्तरघात गर्नेको सूची केन्द्रमा पठाउन कांग्रेसको निर्देशन

नमस्ते खोटाङ संवाददाता–
काठमाडौँ, मङ्सिर १८—कांग्रेसले मङ्सिर ४ गते सम्पन्न प्रतिनिधिसभा र प्रदेशसभाको चुनावमा अन्तरघात गर्नेहरुको सूची केन्द्रमा पठाउन निर्देशन गरेको छ । पार्टीका उम्मेदवार र गठबन्धन दलका उम्मेदवारलाई अन्तरघात गरी असहयोग गरेको रहेछ भने जिल्ला तथा प्रदेश अनुशासन समितिमा परेका उजुरीलाई विधिवत् निर्णय गरी केन्द्रीय अनुशासन समितिमा पठाउन मङ्सिर १८ गते निर्देशन जारी गरेको हो ।
जिल्ला तथा प्रदेश अनुशासन समिति गठन नभएको भए तत्काल गठन गरी निर्णय सहित आगामी पुस १५ गतेभित्र विवरण केन्द्रमा पठाउनु पर्ने निर्देशन जारी गरेको छ ।