खोटाङमा ४८ र भोजपुरमा ५० प्रतिशत मत खस्यो

नमस्ते खोटाङ संवाददाता–
खोटाङ, मङ्सिर ४–खोटाङमा करिब ४८ प्रतिशत र भोजपुरमा ५० प्रतिशत मत खसेको छ । खोटाङमा एक लाख ४२ हजार सात सय ९२ मतदातामध्ये करिब ४८ प्रतिशत र भोजपुरमा एक लाख २९ हजार तीन सय ७९ मध्ये ५० दशमलव ३९ प्रतिशत खसेको प्रारम्भिक रिपोर्टले देखाएको हो ।
भोजपुरमा एक सय ५५ स्थायी र दुई अस्थायी मतदान केन्द्र तथा खोटाङमा एक सय ९४ स्थायी मतदान केन्द्र र दुई अस्थायी मतदान केन्द्रमा उक्त मत खसेको हो । खोटाङका मुख्य निर्वाचन अधिकृत सुवाशबाबु पुरीका अनुसार मत पेटिका बुझेपछि मात्र एकीन विवरण आउ“ने छ । मत पेटिका सोमबार विहानसम्म आइपुग्ने पुरीले बताए । मत पेटिका आउनेसाथ सर्वदलीय बैठक राखेर मत गणना समेत सुरु गरिने उनको भनाई छ ।