‘पिके राईले आचार संहिता विपरित टोपी लगार्ई दिएर भोट मागे’

नमस्ते खोटाङ संवाददाता–
खोटाङ, कात्तिक १४–एमालेको तर्फबाट खोटाङ (१) मा उम्मेद्वारी दिएका पाचकर्ण राईले निर्वाचन आचार संहिता विपरित टोपी लगाई दिएर भोग मागेको भन्दै चौतर्फी विरोध भएको छ । घर दैलो तथा भेटघाट कार्यक्रम आयोजना गरी हलेसी तुवाचुङ नगरपालिका–६ मङ्गलटार घुर्चुका तीन जनालाई टोपी ओढाएर भोट मागेको भन्दै विरोध भएको हो ।
घुर्चुका लालबहादुर राई, सिंगमान राई र खटनबहादुर राईलाई टोपी लगाई दिएको फोटो सामाजिक सञ्जालमा पोष्ट भएपछि विरोध सुरु भएको हो । टोपी ओढाएर भोट मागेको भन्ने आरोप खेपेका पा“चकर्ण राईले भने बयोबृद्धहरुलाई पार्टीले सम्मान गरेको पहिलेकै कार्यक्रमकै फोटोलाई यो बेला हङ्गामा गर्न खोजेको बताए ।